دمـــــــــــوع الفـــــــــرح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


دمــــــــــــوع الفـــــــــــــرح
 
الرئيسيةالبوابةأحدث الصورالتسجيلدخول
ايها الزائر الكريم .. نتشرف بك عضوا جديدا في منتداك * دمــــوع الفــــرح * .. نرجو ان يكون منتدانا نال اعجابكم   ...... الادارة

 

 سعوديات في بريطانيا ...رواية رومنسيه (الفصل عشرون)

اذهب الى الأسفل 
كاتب الموضوعرسالة
عاشقت عيونك




عدد المساهمات : 49
تاريخ التسجيل : 30/07/2009
العمر : 32

سعوديات في بريطانيا ...رواية رومنسيه (الفصل عشرون) Empty
مُساهمةموضوع: سعوديات في بريطانيا ...رواية رومنسيه (الفصل عشرون)   سعوديات في بريطانيا ...رواية رومنسيه (الفصل عشرون) I_icon_minitimeالأحد أغسطس 02, 2009 11:57 am

مسفر: ههههههه هذا وهو اخو خطيبها مدري زوجها
نواره: شقصدك ..؟
الجوري وهي متضايقه من لوجين اللي تضم من من كان : هي كذا تسلم
وليد: اجل لاسلمت عليها ليه ماتضمني ..
طلال: بس الشخصيات المهمه
البنات سكتوا ماعرفوا وش يردون

بعد مامشى تركي خطوتين للوجين لحقته تصارخ : تررررررررررركي ...تركي
تركي لف بسرعه
لوجين راحت لعنده : دقيقه
وركضت جهة المجموعه ( الشله )
نواره: وش عندك ..؟؟
لوجين تدور بسرعه بشنطتها ..: نواره ماشفتي دفتر شيكاتي
نواره كان عندها بالشنطه: دقيقه كانه عندي
سحبت الشنطه وعطتها الدفتر
لوجين تاشر لتركي لحضه
لوجين بنفاذ صبر: قلم ابغى قلم
طلال: مسفر جنبك القلم
مسفر وهو يعطيها القلم وده يقولها: ( يالغبيه اكيد يستقلك وياخذ منك فلوس )
لوجين كتبت بيسرعه بالدفتر مبلغ ووقعت
رمت القلموالدفتر وركضت لتركي
تركي: وش رحتي تسوين
لوجين :هههه طولت عليك
تركي: لا مو لهذي الدرجه
لوجين تحط الشيك بجيب جكيته الثقيل ..: الف مبروك منك المال ومنها العيال ..هذا هدية زواجك
تركي: ليه مايحتاج
لوجين تبتسم : اذا ماعطيت اخوي اعطي مين
تركي : تسلمين ..يله اشوفك على خير
لوجين: كم مره قلتلي اشوفك على خير ...
تركي: ههههههه ماعديتهم
لوجين : لاني ان شاء الله بشوفك على خير ...( بجديه وعيون مدمعه ) اسمع تركي حلفتك بالله اذا شفتني لاتسلم علي ولاتناظرني داريه انه مو طبعك بس علشان رانيا حرام انت تعرف شكثر تحبك ..لاتخاف انا داريه انك تبغى تسلم اعتبر سلامك وصلي سمعت وصل من غير لاتقوله
ابتسم تركي بحنان: اوكيه
لوجين نزلت دموعها اللي مسكتها : تكفى تركي لاتنساني وارسلي صور عيالك ...تكفى ..ابغى اشوف عيال اخو احمد ...
تركي قطعه قلبه عليها يمسح دمعتها: ايشري
لوجين : بااااااااي
تركته وراحت من غير اي كلمه زياده ... راحت للحمام تغسل وجهها

نواره مقهوره من حركات لوجين صحيح ان هالموقف يصير بشوارع بريطانيا مليون مره بس هذي لوجين السعوديه والمسلمه
مسفر يتريق.. : انتم متاكدين انا هذا مو احمد
طلال: شكلها تحبه
نواره: لا انتم مو فاهمين شي
ذوق اللي عصبت معهم واستغربت من رد نواره: وش اللي مو فاهمينه
نواره: ياليتني اقدر اقولكم
طلال: قولي وش ماسكك
نواره: ماسكني وعدي
الجوري: في شي عن لوجين مانعرفه
وليد : اسكتوا هي جايه وشكلها مولعه
لوجين طلعت من الحمام مكسوره ....و كلمة تركي ترن باذنها
((وبعد هذي السنه
وبعد هذي السنه
وبعد هذي السنه
وبعد هذي السنه ))
(( يله..هذي اخر مره اشوفك فيها انتي عارفه انا متزوج ..واخاف ان رانيا تزعل اذا عرفت اني اعرفك او
........
..هذي اخر مره اشوفك فيها انتي عارفه انا متزوج ..واخاف ان رانيا تزعل اذا عرفت اني اعرفك او
................

..هذي اخر مره اشوفك فيها انتي عارفه انا متزوج ..واخاف ان رانيا تزعل اذا عرفت اني اعرفك او

قطع عليها افكارها ايد نواره على كتفها : لجونه وش فيك
لوجين: ها ماف( تبلع ريقها ) مافيني شي
مسفر حس شكلها مره تغير بعد ماراح تركي (وش قالها حزنها كذا ...وش اللي ماتقدر نواره تقوله وله دخل بتركي ولوجين)
ذوق راحت لعندها : لجونه وش فيك
لوجين بصوت فيه بحه : ها ..المحاضره بدت
طلال: ايه والله بتبدى
نواره: مراح احضر الا اذا حضرتي
لوجين: اكيد بحضر يله
وهم ماشين للمحاضره دخلوا كلهم وكان مسفر بالاخير ولوجين تمشي ببطى لان اللكل يهرول علشان يلحق
لوجين فجاءه حست بضيق تنفس وان صوتها راح تحس بيد تمنعها عن التنفس ..تبغى تنادي نواره قبل لاتدخل المحاضره بس صوتها خانها حست بلسانها ثقيل ومخدر ..افتحت فمها تبغى هواء ..شافت ظهر مسفر قدامها حست بانها غرقانه وحصلت خشبه تتستند عليها مدت ايدها وهي ترتجف .حطتها على كتف مسفر
مسفر يمشي وهو يفكر بلوجين وتركي واللي صار ...لوجين هاجسه في الفتره الاخيره ..يقوم يفكر فيها يجلس يفكر فيها ..فجاءه حس بيد على كتفه وصوت
لوجين وهي تكح ...لف عليها
لوجين وجهها احمر وعيونه مغرقه دموع
مسفر: لوجين
لوجين بس سمعت صوته حست بالامان ورجلها ماعلدت تشيلها ..رمت نفسها على الارض ..
مسفر خاف : لوجين ...لوجين
لوجين تاشر على الشنطه
مسفر مافهم عليها ...حست انه مافي فايده .... رمت نفسها بحضنه وغمضت عينها ...
مسفر رتبك ماعرف وش يسوي ...حس انه يرجف مع رجفتها ..رفعها من الارض ولاقرب مستشفى

نواره: كنت متوقعه ان الخايسه مراح تحضر
طلال: خليها شكلها متضايقه
نواره: حماره ..اللحين اذا دقيت مراح تدق
وليد: وين مسفر
الجوري: اكيد بالمكتبه هو من البدايه قايل مراح يحضر
البندري : اليوم بيعين الدكتور الديو للبحث الميداني ...لان الاختبارات بعد اسبوعين والاسبوع الجاي مذاكره
الجوري: انا مع ذوق من هاللحين
قالت كذا لانها كانت متوقعه الا متاكده ان وليد بيقول هو معها ...وعلشان تصير البندري معه
البندري: وانا مع ..اممممم ( تسوي نفسها تفكر وهي ودها تقول مع وليد ) نواره حست فيها وتفلسفت ..
نواره قالت بسرعه من غير تفكير: انا مع طلال وانتي مع وليد ولوجين مع مسفر
طلال: ههههه لاتتلزقين
نواره توها تنتبه انها قالت مع طلال : انقلع مصدق نفسك خلاص انا مع لوجين وانت مع مسفر
وليد استغرب من الجوري حس انها تتهرب منه حتى ماصارت تجلس معه مثل قبل : اوكيه انا مع البندري
البندري والفرحه مو سايعتها : اوكيه ونواره مع طلال ولا كلمه... لوجين خوافهوانتي بعد .... ماينفع تروحين معها للغابه او تسافرين
طلال: مردك لي مردك لي
نواره: اذا ماربيتك مره ثانيه ...
طلال: احلفي ..انا اللي بربيك
نواره مدت ايدها : تتحدى
طلال مد ايده بتحدي : اتحدى
وليد: الجوري انتي وذوق ماينف
الجوري قاطعته بعصبيه :انا وذوق نعرف نتصرف
وليد استغرب وش فيها هذي عليه لا يالجوري لاتقتلين حبي لك بمعاملتك هذي طول وقتك رقيقه و ناعمه بتعاملك
الرجوع الى أعلى الصفحة اذهب الى الأسفل
 
سعوديات في بريطانيا ...رواية رومنسيه (الفصل عشرون)
الرجوع الى أعلى الصفحة 
صفحة 1 من اصل 1
 مواضيع مماثلة
-
» سعوديات في بريطانيا ...رواية رومنسيه (الفصل التاسع)
» سعوديات في بريطانيا ...رواية رومنسيه (الفصل العاشر)
» سعوديات في بريطانيا ...رواية رومنسيه (الفصل الحادي عشر)
» سعوديات في بريطانيا ...رواية رومنسيه (الفصل الثاني عشر)
» سعوديات في بريطانيا ...رواية رومنسيه (الفصل الثالث عشر)

صلاحيات هذا المنتدى:لاتستطيع الرد على المواضيع في هذا المنتدى
دمـــــــــــوع الفـــــــــرح :: المنتـــديات الادبيـــة :: القصص و الروايات الرومانسية-
انتقل الى: