دمــــــــــــوع الفـــــــــــــرح
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
ايها الزائر الكريم .. نتشرف بك عضوا جديدا في منتداك * دمــــوع الفــــرح * .. نرجو ان يكون منتدانا نال اعجابكم   ...... الادارة

شاطر | 
 

 سعوديات في بريطانيا ...رواية رومنسيه (الفصل الخامس و الثلاثون)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشقت عيونك



عدد المساهمات : 49
تاريخ التسجيل : 30/07/2009
العمر : 26

مُساهمةموضوع: سعوديات في بريطانيا ...رواية رومنسيه (الفصل الخامس و الثلاثون)   الأحد أغسطس 02, 2009 12:28 pm

بعد تسليم الشهادات رموا الطلاب الطرابيش بالهواء وصوروا مع بعض .... تفرقوا الطلاب اللكل مع اهلهم
تركي يمد الهديه : الف الف مبروك التخرج
لوجين وهي تضمه : الله يبارك فيك
تركي: ها صرتي هاللحين محاسبه محد قدك
لوجين وعيونها على مسفر :هههههههه اكيد
تركي يناظر وين ماتناضر :تحبينه
لوجين نصدمت : ها
تركي: واضح انك تحبيه .. احسه رجال
لوجين ارتبكت : وش هالحكي
تركي: اسمعي احمد وصاني عليك ووصاني ماخلي حد يضحك عليك او يستغلك مثله وانا احس ان هذا رجال وماعنده حركات الاستقلال
لوجين:ههههه احيانا ياتركي تحاول تصير ذكي على الفاضي
تركي: ههههههههه وش اسمه مصقر مادري مسفر
لوجين عصبت: تركي
تركي:هههههههه

نواره: يبه شفت كيف طحت
بونواره:هههه مفهيه
نواره :والله من هذا الطالب اللي اسمه طلال يقولي عبايتك ووصخه
بونواره ارتاح كان يفكر شي ثاني :يضحك عليك يالغبيه
نواره انبسطت انها قدرت تضحك على ابوها لانه كان يعصب اذا كلمت طلال
بو نواره: وين لوجين
نواره: ايوه بنتك الثانيه ..هناك مع اخو احمد
بونواره: اخ احمد وش يبغى فيها
نواره : مادري

بوطلال : مبسوط بشهادتك اللي ماجئت الا بعد سبع سنوات
صالح: معليه يبه اهم شي جائت
بو طلال: يله تجهز الطياره الساعه وحده انا بروح للفندق ارتاح صالح تعال معي
صالح: ان شاء الله يبه يله على البركه مره ثانيه ياخوي
طلال بدون نفس: الله يبارك فيك

ذوق : دودو تعال اوريك صحباتي السعوديات يمكن تعجبك وحده وتخطبها
رائد: لا انا اصلا باخذ لي لبنانيه او عراقيه
ذوق : كفوك
بو ذوق وهو يناظر فيصل مشبه عليه بس مو ذاكره : يله حبيبتي اليوم بنرجع على طيارة الساعه وحده
ذوق: لا والبارتي اللي عاملينها صحباتي ..
بوذوق: وامك مشتقتي لها
ذوق: اكيد بس
بوذوق: لا ذوق حبيبت بابا انا تعبان وابغى ارجع لسعوديه
ذوق بيائس : اوكيه اجل هاللحين بروح مع صحباتي
رائد : وانا بروح اضبط مع هذي البريطانيه
ذوق:هههههه هذي صاحبتي الجورري سعوديه
رائد: اعوذ بالله...( يدور بعينه) ابغى وحده ثانيه
*****************

البندري والجوري جالسين مع مشاري ولد محمد اخوها
مشاري: انتم ماتهاوشتوا ليه تتكلمون هاللحين
الجوري: لان حنا تراضينا
مشاري:الابله تقول حرام ماتكلم احد فوق ثلاث ليالي
الجوري والبندري:ههههههههه
البندري: اي ابله
مشاري: ابلة الريم بنت عمتي تهاني
الجوري: اها قول كذا والا انت وين تروح المدرسه
***************
مسفر واقف مع ابوه واخوه سامي وصديقه تركي وهو كل تفكيره بلوجين اللي واقفه مع تركي اخو احمد تضحك
تركي على جنب : مسفور وين رايح
مسفر: شوفها واقف معه تضحك
تركي ماستوعب : تقصد لوجين
مسفر: وانت وش عرفك باسمها ..؟؟
تركي : اوه الحب ضارب... سمعتهم ينادون بنت الكاسر ...لاتغار ماناظروحده فاصخه
مسفر عصب : تروك
تركي:لالالالالا لاخلاص شكل الاعصاب موصله توب ...
مسفر : آف
تركي : والريم
مسفر وهو يمشي : بعدين اقولك كل شي

**************

تركي: لجو ..عطيتك الهديه اللي مني هاللحين صار دور الهديه الثانيه
لوجين : هديه اي هديه
تركي بضيق: احمد الله يرحمه كان مجهز لك هديه كانه داري انه م( سكت ماقدر يكمل ...)
لوجين خنقتها العبره وقالت بصوت مبحوح : احمد
تركي مد كيس صغير من لمخمل مكتوب عليه : لجو وحمو
لوجين ابتسمت تذكر انهم كانو ينادون بعض كذا اذا شتاقوا لبعض
تركي: خذيها
لوجين خذتها بايد مرتجفه
مسفر: اوه توزعت الهدايه من هاللحين
لوجين : مسفر
تركي : هلا والله مسفر
مسفر: اهلين اخ تركي
تركي حط ايده على كتف لوجين : هذا انت وصلت خذ الامانه انا بروح طيارتي بعد نص ساعه ..يله لجو باي اشوفك على خير
حس مسفر ان تركي يوصله رساله او شي بس مافهمه
لوجين: وين بدري
تركي: بالموت جيت الحكومه وراي
لوجين ومربكها وجود مسفر وهي ماسكه الهديه : اوكيه باي
مسفر: باي
راح تركي
مسفر بقهر: يحليه تركي جاء لك مخصوص
لوجين تناظر بعيونه : ايوه فيه الخير
مسفر وهو يناظر الهديه :هذا من تركي
لوجين ارتبكت اكثر حست انها تخون مسفر :ها ...لا من احمد
مسفر تكتف ورفع حواجبه : احمد
لوجين: ايوه كان بيعطيني اياها لو انه ( بلعت ريقها ) عايش لهالحين
مسفر مد ايده: ممكن اشوفها
لوجين بعدتها عن عيونه : لا
مسفر: ليه خصوصيه
لوجين تحس ان مابينهم خصوصيه : ايوه
مسفر: اممممم كان ودي اشوفها افتحيها
لوجين بعناد: لا
مسفر: حرام عليك بتخليني افكر وش ممكن الهديه
لوجين : لا تفكر ولاتشغل باللك مو مهم
مسفر: اتوقع انها خاتم او حلق
لوجين فتحت الهديه علشان هذا اول مره يطلب منها مسفر شي
مسفر استغرب: بتفتحينها
لوجين: ليوه موانت تقول تبغى تشوفها هذا انا بفتحها
مسفر: غريبه وش هالرضوخ
لوجين بعد ماطلعت كرت وورقه كبيره شوي كانها رساله وعلبه صغيره داخلها بروش يبرق
مسفر: اممم حلو
لوجين تحس ان مسفر له الحق يشوفها ويرميها بعد اذا ماعجبته ..: يجنن الله يرحمك ياحمد ...( ترفع راسها لمسفر) من عمره ذوق
مسفر: الله يرحمه
لوجين تقراء المكتوب بالكرت تقراءه بعيونها..ومسفر يقراء معها
ليت العمر يهدى ابهديك عمري
تستاهل الايام يازهو الايام .. (نزلت دموع لوجين ومسحتهم بسرعه )
لو الهوى المحبوس في جوف صدري
يظهر على العالم غشى العالم هيام
حبيبك : احمد
مسفر عجبه اسلوب احمد واضح انه كان يحبها وحس بقهر وعرق الغيره نط عنده وشويه ينفجر : هذا لحسام الفيصل
لوجين انتبهت لوجود مسفر: كيف
مسفر: الابيات هذي لحسام الفيصل
لوجين: حلوه ..تجنن هذا الشاعر مبدع
مسفر: هو امير
لوجين : جد ..واضح اسلوبه راقي
طاحت الورقه الكبيره من لوجين وهي ماحست
مسفر داس عليها برجلها علشان ماتنتبه لها : لاوله قصايد بالقاءه احلى من القرائيه
لوجين: انت تحب الشعر
نواره: لجون
لوجين:هلا
نواره: بابا يسال عنك
لوجين: اوه عمي محمد نسيته ..عن اذنك
مسفر: تفضلي
راحت مع نواره وقلبها مع مسفر....
رفع الورقه من الارض بسرعه وحطها بجيبه
****************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
سعوديات في بريطانيا ...رواية رومنسيه (الفصل الخامس و الثلاثون)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دمـــــــــــوع الفـــــــــرح :: المنتـــديات الادبيـــة :: القصص و الروايات الرومانسية-
انتقل الى: